په څرخ ولسوالۍ کې په پیل شوو عملیاتو کې ۲۵ وسله والو مخالفینو ته مرګ ژوبله اوښتې

په څرخ ولسوالۍ کې په پیل شوو عملیاتو کې ۲۵ وسله والو مخالفینو ته مرګ ژوبله اوښتې 
(مرغومي-۱۴۴) نن ورځ په اونیزه امنیتي جلسه کې د ولایت والي محمد حلیم فدایي، د امنیت امر نثاراحمد عبدالرحیمزي، د ملي امنیت ریاست مرستیال، د څلورمې لوا استازي او د همغږۍ مرکز مسؤلینو ګډون کړی و.
 لومړی مسؤلینو د څرخ ولسوالۍ په پیل شوو عملیاتو خبرې وکړې چې دغه عملیات یې یو بریالي عملیات یاد کړ، ځکه دښمن قوي ماتې وخوړه او ۲۲ تنه ووژل شو او ۳ ټپیان شویدي او له دوی څخه یو کاسټر موټر هم افغان ځواکونو ته لاسته راغلي او یوه دهشکه، ۶ موټر سایکلونه او یوه سراچه له منځه وړل شویدي. 
همدارنګه د لوګر والي وویل  د افغانستان د اسلامي جمهوري دولت د ولسمشر د حکم په اساس یې په لوګر ولایت کې د ټولو ادارو په ګډون پر ملموسو پایلو ولاړ د کلني پلان جوړول پیل کړل.
 .د لوګر والي محمد حلیم فدایي وویل چې ملموسو او محسوسو خدمتونو وړاندې کول زموږ هدف دی او د رفع مسوولیت پر ځای باید ادا د مسولیت وکړو او مونږ باید ولس ته په امنیتي ساحه کې په محسوسو او ملموسو ولاړ امنیتي پلان ولرو.
 همدارنګه د ملي اردو لیکو ته د جلب او جذب لپاره یوه کمیټه وټاکل شوه.